በዱባይ እና ሪያድ ማራቶኖች ኢትዮጵያዊያን አትሌቶች በፍፁም ብልጫ አሸንፈዋል

በ25ኛው የዱባይ ማራቶን በሴቶቹ ኢትዮጵያዊያን አትሌቶች ከ1ኛ እስከ 10ኛ ደረጃን ይዘው አሸንፈዋል።

በሴቶቹ አትሌት አንቺንአሉ ደሴ የግል ምርጥ ሰዓቷን በ4 ደቂቃ በማሻሻል አሸንፋለች።

የ23 አመቷ አትሌት ውድድሩን ያጠናቀቀችው 2: 22.17 በሆነ ሰዓት ነው ።

አትሌት ሙሉዬ ደቀቦ በ2:18:43 ሁለተኛ ስትወጣ አትሌት ፋንቱ ወርቁ በ2:19:08 ሶስተኛ ደረጃን ይዛ አጠናቃለች ።

በወንዶቹ ለመጀመሪያ ጊዜ ማራቶንን የሮጠው አትሌት ንብረት መላክ አሸንፏል።

አትሌቱ ርቀቱን ለማጠናቀቅ 2:04:00 ወስዶበታል ።

ሌላኛው ኢትዮጵያዊ አትሌት ያሲን ለጂ 2:05:52 ሁለተኛ ወጥቷል ።

በሪያድ ማራቶን ኢትዮጵያዊያን አትሌቶች በሁለቱም ፆታዎች በቀዳሚነት አጠናቀዋል ።

አትሌት አበባው ሙንየ 2:09:30 በመግባት ሲያሸንፍ

አትሌት አሰፋ ተፈራ ሁለተኛ አትሌት ቶልቻ ተፈራ ሦስተኛ ደረጃን ይዘው አጠናቀዋል።

በሴቶቹ አትሌት ኬና ግርማ የግል ምርጥ ሰዓቷን በማሻሻል አሸንፋለች።

አትሌቷ ርቀቱን ለማጠናቀቅ2 :25:54 ወስዶባታል።

አትሌት አበራሽ ደምሴ በ2:27:13 ሁለተኛ ፤ አትሌት ንግስት ሙሉነህ በ2:29:18 ሦስተኛ ወጥተዋል።

አትሌት ጀነራል ብርሃኑ በስፔን ቫሌንሽያ የነሐስ ደረጃ በተሰጠው የቤት ዉስጥ ዉድድር በ800 ሜትር አሸንፏል ።

አትሌቱ ርቀቱን ለማጠናቀቅ 1:46:61 ወስዶበታል።