✈️ ቡድኑ አሸኛኘት ተደረገለት፣✈️

በአሜሪካ ኦሬገን ከጁላይ 14 – 25/2022 በሚካሄደው 18ኛው የአለም አትሌቲክስ ሻ ምፒዮና ላይ ኢትዮጵያን የሚወክለው የአትሌቲክስ ልኡካን ቡድናችን ዛሬ ሐምሌ 2/2014 ዓም ከምሽቱ 12:00 ጀምሮ በስካይ ላይት ሆቴል አሸኛኘት ተደርጎለታል።

በአሸኛኘት መርኃ ግብሩ ላይ በክብር እንግድነት ክቡር አቶ ቀጀላ መርዳሳ የባህልና ስፖርት ሚኒስቴር ሚኒስትር፣ ክቡር አምባሳደር መስፍን ቸርነት የስፖርት ልማት ዘርፍ ሚኒስትር ዴኤታ፣ ጥሪ የተደረገላቸው የልዩ ልዩ ተቋማት ኃላፊዎችና ተወካዮች፣ የኢአፌ ሥራ አስፈጻሚና ማኔጅመንት ኮሚቴ አባላት፣ ስመጥርና አንጋፋ አትሌቶች፣ የአትሌቲክስ ሙያ ማህበራት አመራሮች፣ የአትሌቶች ተወካዮችና የስፖርት ሚድያ አካላት ተገኝተዋል።

የኢአፌ ፕሬዝዳንትና በአሜሪካ ኦሬገን በሚካሄደው የአለም አትሌቲክስ ኮንግረስ ላይ የምትካፈለው ክብርት ኮማንደር ደራርቱ ቱሉም በስፍራው በመገኘት ለልኡካን ቡድኑ የመልካም ምኞት መግለጫና መመሪያ አስተላልፋለች።

አያይዛም በዛሬው እለት ለ1443ኛ ጊዜ የሚከበረውን የኢድ አል አድሃ በአል በማስመልከትም ለመላው የሙስሊም ወገኖቻችን ፈጣሪ እንኳን በሰላም አደረሳችሁ! በማለት መልካም ምኞቷን ገልፃለች።

የእለቱ የክብር እንግዳ አቶ ቀጀላ መርዳሳ በበኩላቸው ለልኡካን ቡድኑ አባላት የመልካም ምኞት መልእክትና የሥራ መመሪያ ሰጥተዋል።

👉 የቡድኑ አትሌቶች ተወካዮች:- አትሌት ሰለሞን ባረጋ እና አትሌት ወርቅውኃ ጌታቸው፣
👉 የአሰልጣኞች ተወካይ:- ኮማንደር ሁሴን ሺቦ፣
👉 ም/የቡድኑ መሪው:- ኮማንደር አትሌት ማርቆስ ገነቲ በየተራ ስለቡድኑ የስልጠና ዝግጅት አስረድተዋል።

በመርኃ ግብሩ ለቡድኑ የአገር አደራ ምልክት የሚሆን የኢትዮጵያ ሰንደቅ አላማ 🇪🇹 ለአትሌቶቹ፣ ለአስልጣኝና ለቡድኑ አመራሮች ተሰጥቷል።
🇪🇹 ድል ለአለም አትሌቲክስ ቡድናችን! 🇪🇹

 

 

Similar Posts
Latest Posts from