Zinash

ነዋሪነቷን በፈረንሳይ ሃገር አድርጋ የነበረችው የ29 አመቷ ኢትዮጵያዊት አትሌት ዝናሽ ገዝሙ ከዚህ አለም በሞት መለየቷን የኢትዮጵያ አትሌቲክስ ፌዴሬሽን ከስፍራው በደረሰው መረጃ ለማወቅ ችሏል፡፡

እ.ኤ.አ. በ2016 ዓ. ም. አምስተርዳም በተካሄደ የማራቶን ውድድር ላይ ተካፍላ 2:32:48 በሆነ ሰዓት 6ኛ ደረጃን ይዛ ያጠናቀቀችውን የአትሌት ዝናሽን የአሟሟት ምክንያትና ሁኔታ ፌዴሬሽናችን እያጣራ የሚገኝ ሲሆን ከሃገሯና ከፌዴሬሽኑ ለረጅም ጊዜ እርቃ መኖሯ ሙሉ መረጃውን በቀላሉ አግኝቶ ለማድረስ አስቸጋሪ አድርጎታል፡፡ ይሁንና ፌዴሬሽናችን በቅርቡ ስለአጠቃላይ የአሟሟቷ ሁኔታ ለአትሌቲክስ ስፖርት ቤተሰቡ መረጃውን እንደሚያደርስ ያስታውቃል፡፡

በመጨረሻም ፌዴሬሽኑ በአትሌት ዝናሽ ገዝሙ ህልፈት የተሰማውን ጥልቅ ሃዘን እየገለጸ ለመላው ቤተሰቦቿና ለወዳጅ ዘመዶቿ ፍጹም መጽናናትን ይመኛል፡፡

የኢትዮጵያ አትሌቲክስ ፌዴሬሽን

Similar Posts
Latest Posts from