ከEthiopian Athletics Federation ልጥፍ የተገኙ ፎቶዎች የስልጠና ዜና፤
እ.ኤ.አ. በ2018 የኢትዮጵያ አትሌቲክስ ፌዴሬሽን በአሰልጣኝነት ዘርፍ ሁለት ባለሙያዎችን በኬንያና በደ/ኮርያ ስልጠና እንዲገኙ አድርጓል፡፡
እነዚህ ባለሙያዎች፡-
አቶ ሺመልስ ዳዊት እና አቶ ሳሙኤል ብርሃኑ ሲሆኑ የወሰዷቸው ስልጠናዎች በዳኝነት ዘርፍ ላይ የሚያተኩሩ ነበሩ፡፡
በኬንያ ናይሮቢ በአህጉር ደረጃ የIAAF 2ኛ ደረጃ የዳኞች አሰልጣኝነት ስልጠና የወሰደው አቶ ሺመልስ ዳዊት ስልጠናውን ለማጠናቀቅ ስድስት ቀናት የወሰደበት ሲሆን በዚህ ስልጠና ከ20 የአፍሪካ ሃገራት የተውጣጡ የአትሌቲክስ ባለሙያዎች ተሳትፈዋል፡፡ ከነዚህ አገራት መካከል ኢትዮጵያን ጨምሮ 5ቱ ሃገራት ለአፍሪካ ዳኝነት መመረጥ የቻሉ ሆነዋል፡፡ ስልጠናው ለሃገራችን ያለው ፋይዳ ሲታይ በዳኝነት ዘርፍ የነበረብንን የአሰልጣኝነት (ሌክቸረር) ችግር መቅረፍ ያስችላል፡፡
ሌላው በደ/ኮርያ ዴጉ በአለም አቀፍ ደረጃ ለ15 ቀናት የ1ኛ ደረጃ አሰልጣኞች ሌክቸረርነት ስልጠና የወሰደው አቶ ሳሙኤል ብርሃኑ ሲሆን ከ21 የአለም ሃገር ከተውጣጡ አሰልጣኝ ሰልጣኞች መካከልም የቀዳሚውን ደረጃ በመያዝ ማጠናቀቅ ችሏል፡፡ በደ/ኮርያው ስልጠና ከተሳተፉ 21 አገራት መካከልም ለአትሌቲክስ ዳኝነት 5 ሃገራት የተመረጡ ሲሆን ከነዚህ መካከል ኢትዮጵያ በአንደኝነት ተመርጣበታለች፡፡
አቶ ሳሙኤል ከዚህ በፊት በ2012 ኬንያ ናይሮቢ የህጻናት አትሌቲክስ አሰልጣኝነት ስልጠና በመውሰድ በሃገር ውስጥ አሰልጣኞችን በማሰልጠን ከሌሎች የሃገራችን አሰልጣኞች ጋር በመሆን ሚናውን እየተወጣ ቆይቷል፡፡
በ2014ም በኬንያ ናይሮቢ በተሰጠው የ2ኛ ደረጃ የዳኝነት ስልጠና በመካፈል ከፍተኛ ውጤት በማስመዝገቡ በቀጥታ ለአለም አቀፍ ውድድሮች መዳኘት የሚያስችል ደረጃ ይዟል፡፡ በዚህም መሠረት በናይጀሪያ - አሳባ ከተማ ለ21ኛ ጊዜ በተካሄደው የአፍሪካ አዋቂዎች አትሌቲክስ ሻምፒዮና ላይ ሃገሩን ወክሎ በአትሌቲክስ ዳኝነት ሙያ አገልግሏል፤ በዚህም ከአዘጋጁ አካል አውቅናና ምስጋና ተችሮታል፡፡
የነዚህ ስልጠናዎች ጠቀሜታም ሃገራችን ያለባትን አለም አቀፍና አህጉራዊ የአሰልጣኞች ሌክቸረርነት ክፍተት መቅረፍና በአለም አቀፍ ደረጃም አሰልጣኝ እንዲኖራት ያደርጋል፡፡ ... See more
